October 18, 2019
મુકેશ અંબાણીની આગેવાની હેઠળની રિલાયન્સ ઇન્ડસ્ટ્રીઝે સપ્ટેમ્બરમાં પૂરા થયેલા ક્વાર્ટરમાં ચોખ્ખો નફો 18.34 ટકા વધ્યો હતો, જે વિક્રમ 11,262 કરોડ રૂપિયા રહ્યો હતો.
કંપનીએ એક નિવેદનમાં જણાવ્યું છે કે રિલાયન્સ જિઓનો કરવેરા પૂર્વે નફો જુલાઇ-સપ્ટેમ્બરમાં 21 ટકા વધીને 3,222 કરોડ રૂપિયા થયો છે.
નાણાકીય વર્ષ 2018-19ના સમાન સમયગાળા દરમિયાન, તેણે રૂ .9,516 કરોડનો એકીકૃત( consolidated) ચોખ્ખો નફો કર્યો હતો. આરઆઈએલ એ બોમ્બે સ્ટોક એક્સચેંજને ફાઇલિંગમાં જણાવ્યું હતું કે, “મુંબઇ-મુખ્ય મથકની કંપનીએ ગયા વર્ષે સમાન ત્રિમાસિક ગાળામાં રૂ ..9,516 કરોડનો એકીકૃત ચોખ્ખો નફો મેળવ્યો હતો.”
આરઆઈએલની કુલ આવક રૂ. 1,55,763 કરોડ નોંધાઈ છે, જે એક વર્ષ અગાઉના સમાન ગાળામાં રૂ. 1,47,268 કરોડની તુલનાએ 5.76 ટકા વધારે છે. કંપનીએ એમ પણ કહ્યું હતું કે રોકડ નફો 18 ટકા વધીને રૂ. 18,305 કરોડ થયો છે.
આરઆઈએલે પોતાની ફાઇલિંગમાં કહ્યું હતું,”આવકનો વધારો મુખ્યત્વે રિટેલ અને ડિજિટલ સર્વિસીસ બિઝનેસમાં મજબૂત વૃધ્ધિને કારણે છે જે અનુક્રમે 27 ટકા અને 43 ટકાનો વધારો થયો છે. બ્રેન્ટ ક્રૂડના ભાવમાં 17.7 ટકાનો ઘટાડો થતાં રિફાઇનિંગ અને પેટ્રોકેમિકલ્સ સેગમેન્ટની આવકમાં ઘટાડો થયો હતો.”
